کۆمەڵێک لە شۆفیر تاکسییەکانی "مەریوان" لەهەمبەر بە فەرمی نەناسینی کارەکەیان لەبەردەم ڕێکخراوی بەڕێوەبەڕیی هاتوچۆ و گواستنەوەی ئەو شارە کۆبوونەوەی ناڕەزایەتییان دەربڕی.
ڕۆژی شەممە ٢٩ی خەرمانان، شۆفیر تاکسییەکانی کۆدی ٨، لەدوای ٥ مانگ بەڵێنیی بەرپرسانی ڕێکخراوی بەڕێوەبەریی هاتووچۆ و گواستنەوەی "مەریوان" بەنیسبەت بەفەرمی نەناسینی چالاکییان لەوە ڕێکخراوەیەدا هەتا ئێستا وڵامی دواکارییەکەیان نەدراوەتەوە.
ئەوە لەکاتێکدایە کە بۆ بە فەرمی ناسینی تاکسییەکانی کۆدی ٨ بەرپرسانی ئەو ئیدارەیە بڕی ١٥ ملیۆن تمەن بەو مەبەستە لە خاوەن تاکسییەکان وەرگیراوە.
ئەو شۆفیرانە ڕایانگەیاندووە ئێمە موسافیر ڕادەگوێزین و ١٥ ملیۆنمان داوە؛ بەڵام ئێستا نە پارەکەمان دەدەنەوە و نە ئیزنی کارکردنمان پێ دەدەن.
