کوردستان میدیا: سەرۆکی شۆرای ئەمنییەتی رێژیمی کۆماری ئیسلامی، هەڕەشەی بە بەستنی گەرووی هۆرمۆز و ڕاگرتنی هەناردە کردنی نەوت لەو ناوچەوە لە وڵاتانی دنیا کرد.
ڕۆژی شەممە، ٤ی ڕەشەمە، پاسدار عەلی شەمخانی، سەرۆکی شۆرای ئەمنییەتی ڕێژیم، لە وتووێژێکدا لەگەڵ هەواڵدەرییەکانی ڕێژیم، هەڕەشەی لە ئیسراییل کرد و وتی: "هێرشەکانی ئیسرائیل بۆ سەر هێزە تێرۆریستییەکانی سپای قودس لە سووریە بێوڵام نامێنێتەوە و ڕێکارێکی نوێ بۆ ڕووبەڕووبوونەوە لەگەڵ ئەو هێرشانە دەگرێتە بەر.
هەر لەم پێوەندییەدا. پێشتر شەریعەتمەداری ، کە لە کەسانی نزیکی ڕێبەری ئێران بەئەژمار دێت، لە سەروتارێکیدا هەڵوێستی توندی لە بەرانبەر دەوڵەتی ڕۆحانی گرتبوو و وتبووی کە؛ سەرکۆماری ئێران لەبەر ناکارامەییی خۆی ڕێگەی داوە دیوانی بەرزی ئامریکا دەست بەسەر ٢ میلیارد دۆلار لە سەرمایەی ئێراندا بگرێت و ڕای سپاردبوو کە: باشتر وایە بۆ گۆشارهێنان بۆ سەر ئەم دەوڵەتانە، گەرووی هۆرمۆز دابخرێت.
بەرپرسانی ڕێژیم داخستنی گەرووی هۆرمۆز بە مافی خۆیان دەزانن و ئەم شێوە هەڕەشانەی ئێران دەچنە چوارچێوەی سیاسەتی "چماغ و هویجـ"ـەوە و بەم شێوەی هەوڵی کونتڕۆڵی سیاسەتی وڵاتانی دژبەری و زاڵیەتی خۆی لە ناوچەکەدا دەدات.
