بەبۆنەی شەوی یەڵدا شەوی لەدایکبوونی دوکتور "قاسملوو" ڕێبەری ناوداری کورد خەڵکی تێکۆشەری کوردستان بەم بۆنەوە لە شار و گوندەکانی کوردستان ئەم شەوە بەرز ڕاگیرا.
لە "پیرانشار" بەبۆنەی شەوی یەڵدا گرووپێک لە شاخەوانان لە ناوچەی قەندیل بە سەر یەکێک لە بەرزاییەکانی ئەو کێوە سەرکەوتن و سروودیان خوێندەوە.
لە "کامیاران، چلچەمە، بۆکان، قوروە، شنۆ، مەریوان، تەنگیسەر، سنە، نییەر، مەهاباد، پاوە، ورمێ، سەردەشت، خوزستان و یاسووج، نەغەدە و نێ" لەدایکبوونی دوکتور قاسملوویان پیرۆز کرد.
لەو شەوەدا کە شەوی لەدایکبوونی دوکتور "قاسملوو"یە، خەڵکی کوردستان وێنەی دوکتور قاسملوو لەسەر سفرەکانیان دادەنێن و مۆمی تەمەنی دوکتور قاسملوو هەڵدەگیرسێنن.
شەوی یەڵدای ئەمساڵ ٩٠ ساڵ بەسەر لەدایکبوونی دوکتور "قاسملوو" ڕێبەری ناوداری گەلی کورد تێپەڕی.
