"عەبدوڵڵا ئەلموعەلمی" باڵوێزی عەرەبستانی سعوودی لە ڕێکخراوی نەتەوەیەکگرتووەکان وتوویەتی: ئێران بە پشتیوانیکردن لە گرووپە چەکدارەکانی ناوچەکە، بڕیارنامە نێونەتەوەییەکان پێشێل دەکات".
ڕۆژی دووشەممە ٢١ی ڕەزبەر، "ئەلمۆعەلمی" باڵوێزی عەرەبستان لە ڕێکخراوی نەتەوەیەکگرتووەکان لە کارگرووپی ٧٥ی کۆبوونەوەی گشتیی ڕێکخراوی نەتەوەیەکگرتووەکاندا وتوویەتی: "بە گرنگییەوە دەڕوانینە ئەو هەوڵانەی کە بە مەبەستی لەنێوبردنی چەکوچۆڵی ناوکیی ڕێژیمی ئێران بەتایبەت لە ڕۆژهەڵاتی ناڤیندا لە ئارادایە".
ناوبراو بە گرنگییەوە ڕوانیویەتە ئەو هەوڵ و ڕێککەوتننامانەی کە بۆ ڕێگریکردن لە ئێران بۆ دەستپێڕاگەیشتن بە وزەی ناوکی لە ئارادا بووە و هەڵسوکەوتەکانی ئێرانی بۆ ناسەقامگیریی ناوچەکە، جیهان و پشتیوانی لە تێرۆریزم گەڕاندووەتەوە.
