کوردستان میدیا: هونەرمەندێکی پیانیستی کورد لە شاری کامیاران، لە دوای تەمەنێک بێ ناوونیشانی، بۆ هەمیشە ماڵاوایی لە دنیای هونەر کرد.
ڕۆژی دووشەممە، ڕێکەوتی ٢٨ی گەلاوێژ، هونەرمەند "فاتێح مەردۆخی"، خەڵکی شاری کامیاران و دانیشتووی شاری سنه، لە نەخۆشخانەی "تەوحید" کۆچی دوایی کرد.
ناوبراو هونەرمەندێکی هەژار بوو، بەڵام هیچکات بەهۆی نەداری، هونەری خۆی هەرزانفرۆش نەکرد.
ژیانی ناوبراو سەرتاسەر تەنیایی و هەژاری بوو.
"فاتێح"، تەندیسێک لە ڕەنج و نەجابەت بوو و هەتا دوایین ساتەکانی ژیانیشی ئەو نەجابەتەی پاراست.
ئەو پیانیستە کوردە، ئێوارەی هەمان ڕۆژ لە گوندی "گڵیان" لە نێوان شاری کامیاران و پاڵنگان، به بێ بوونی هونەرمەندان و ڕێوڕەسمێکی تایبەت، بە خاک ئەسپێردرا.
ناوبراو ٢٥ پارچە ئاهەنگ و ٧ پارچە ئاهەنگی بۆ پیانۆ دروست کردووە.
هونەرمەندانی کورد بەهۆی سیاسەتەکانی ڕێژیمی ئێران پەراوێز دەخرێن یان بەهۆی گوشارەکانی ڕێژیم زێدی خۆیان بەجێ دەهێڵن.
