کوردستان میدیا: هەواڵدەریی "فرانس ٢٤"، لەبارەی خۆپیشاندانەکانی ئێران و کوردستان ڕاپۆرتێکی بڵاو کردووەتەوە کە تێیدا باس لە خرۆشانی خەڵک دەکات.
لەو ڕاپۆرتەدا هاتووە، لە دوای بەرزبوونەوەی ۳ بەرابەریی بێنزین له ئێران، خوپیشاندانی گشتی له ئاستی ئێراندا هاتووەتە ئاراوە.
بەپێی ئەو ڕاپۆرته، خۆپیشاندەران به‌توندی له‌لایەن دەزگا ئەمنییەتییەکانەوە سەرکوت کراون. ئاماری فەرمی لە کوژراو و بریندارەکان له‌بەر ده‌ستدا نییه، بەڵام بەپێی هەواڵی شایەتحاڵان دەیان کەس کوژراون و سەدان کەسیش بریندار بوونە، هەروەها سەدان شوێنی حکوومەتی ئاگریان تێبەردراوه.
لەو ڕاپۆرتەدا هاتووە، دۆخی شار و شارۆچکەکان وەک تاران، تەورێز، شیراز، بێهبهان و چەندین شاری دیکە زۆر ئاڵۆزە و بەتەواوی شێواوە.
لە بەشێکی ئەو ڕاپۆرتەدا هاتووه، دەیان مۆڵگەی پۆلیس، بنکه و ناوەندەکانی ڕێژیمی ئێران له کرماشان، جوانڕۆ و مەریوان وێران کراون و نەخوشخانەکان جێگایان بۆ بریندارەکان نەماوه.
خۆپیشاندانەکانی ئێران و کوردستان لە ئاستی جیهاندا دەنگی داوەتەوە و کۆمەڵگەی جیهانی، ڕێژیمی ئێرانیان بەتوندی مەحکووم کردووە و پشتیوانییان لە خەڵکی خرۆشاو دەربڕیوه.
