قازییەکی خەڵکی پارێزگای "کۆهگیلوویە و بۆیرئەحمەد" کە حوکمی کوشتن و لەسێدارەدانی چەندین زیندانیی سیاسی و خەڵکی بێتاوانی داوە، لەبەر دەرگای ماڵەکەی خۆی لە "وەرامین" لەلایەن کەسانی نەناسراوەوە کوژرا.
"خوسرەو کەریمزادە" قازیی دیوانی عەداڵەتی ڕێژیمی ئێران لە پارێزگای "کۆهگیلوویە و بۆیرئەحمەد"، یەکێک لەو قازییە سەرشناس و سەرکوتکەرانەی دیوانی عالیی ڕێژیمی ئێران دێتە ئەژمار کە دەستی بە خوێنی هەزاران کەس سوور بووە.
ناوبراو یەکێک لەو کەسانە بووە لە پارێزگای "کۆهگیلوویە و بۆیرئەحمەد" کە خەڵكێکی زۆری ئازار داوە و لە ڕێگەی پلە و پۆستەکەیەوە زەختی لەسەر خەڵکی ئەو پارێزگایە خستووە.
