ڕۆژی ڕابردوو قوتابییەکی خەڵکی گوندی "ڕیزوەند" سەر بە بەخشی "بوولی" شاری "چوار"ی پارێزگای ئیلام لەلایەن مامۆستایەکەی لێی دراوە کە جەستەی ڕەش و شین بووەتەوە.
ئەو قوتابییە پۆلی یەکی سەرەتاییە و لە قوتابخانەی "مونتەزیر قایمـ"ـی گوندەکەیان دەرس دەخوێتێت.
لە ئێستادا ئەو قوتابییە لە دۆخێکی خراپی جەستەیی و ڕووحیدایە و ناتوانێت لە جێگای خۆی هەستێت و بڕواتە قوتابخانه.
بنەماڵەی ئەو قوتابییە سکاڵایان دژی ئەو مامۆستایە تۆمار کردووە و داوایان کردووە لە ڕێگای یاسایی بەرانبەر بەو مامۆستایە هەڵوێست بگیردرێت.
بەپێی ماددەی ٧٧ی ئاییننامەی کردەیی قوتابخانەکان هەر جۆرە سزایەکی وەک: "بێڕێزی، لێدان و پێدانی مەشقی زۆر بە مەبەستی سزای قوتابییان" قەدەغە کراوە.
