کوردستان میدیا: به‌‌رپرسی ده‌‌زگای قه‌‌زایی و به‌رپرسی مه‌جلیسی رێژیم ده‌‌ربڕینه‌‌کانی موته‌‌هه‌‌رییان له‌‌ پێوه‌‌ندی له‌‌گه‌‌ڵ ده‌‌ستێوه‌‌ردانی سپا له‌‌ هه‌‌ڵبژاردنه‌‌کاندا ره‌‌ت نه‌‌کرده‌‌وه‌‌.


به‌‌گوێره‌‌ی راپۆرتی هه‌‌واڵده‌‌ریی ئیسنا، رۆژی چوارشه‌‌ممه‌‌، رێکه‌‌وتی ٣ی جۆزه‌‌ردانی ١٣٩١ی هه‌‌تاوی، لاریجانی له‌‌ دانیشتنی به‌‌رپرسانی قه‌‌زایی رێژیمدا گوتوویه‌‌تی: ئه‌‌گه‌‌ر که‌‌سانێک له‌‌ نێو سپای پاسداراندا سه‌‌رپێچییان کردبێت، هیچ پێوه‌‌ندییه‌‌کی به‌‌ خودی سپاوه‌‌ نییه‌‌.
عه‌‌لی موته‌‌هه‌‌ری نوێنه‌‌ری مه‌‌جلیسی رێژیم، له‌‌ پێوه‌‌ندی له‌‌گه‌‌ڵ ده‌‌ستێوه‌‌ردانی به‌‌رپرسانی سپای پاسداران له‌‌ هه‌‌ڵبژاردنه‌‌کاندا لێدوانێکی دابوو که‌‌ له‌‌لایه‌‌ن عه‌‌لی لاریجانی، به‌‌رپرسی مه‌‌جلیس، ئاماده‌‌ نه‌‌بووه‌‌ ئه‌‌و وتانه‌‌ی ناوبراو ره‌‌ت بکاته‌‌وه‌‌.
له‌‌لایه‌‌کی دیکه‌‌شه‌‌وه‌‌ رۆژی رابردوو عه‌‌لی موته‌‌هه‌‌ری له‌‌ په‌‌رچه‌‌کرداێکدا له‌‌ دژی ره‌‌خنه‌‌ و هێرشه‌‌کان گوتوویه‌‌تی، ئه‌‌گه‌‌ر پێویست بکات نێوی ئه‌‌و که‌‌سانه‌‌ که‌‌له‌‌ هه‌‌ڵبژاردنه‌‌کاندا ده‌‌ستیوه‌‌ردانیان کردووه‌‌، بڵاو ده‌‌کاته‌‌وه‌‌.
راگەیەنەکانی حیزبی دێمۆکراتی کوردستانی ئێران