بارینی بارانی زۆر و هەستانی لافاو زیاتر لە ٦٠٠ ملیۆن تمەن زیانی بە ڕەشماڵەکانی ناوچەکانی پارێزگای ئیلام گەیاندووە.
"فەرشاد یاسەمی" بەڕێوەبەری کاروباری ڕەشماڵەکانی پارێزگای ئیلام وتوویەتی: "لە هاتنی ئەو لافاوەدا زیانێکی زۆر بە ڕێگاکانی هاتوچۆ و کەلوپەلی خەڵکی ناوچەکە گەیشتووە".
ناوبراو وتوویەتی: "بەهۆی بارینی بارانی بەلێزمەی بەهاری ٣٠٠ کیلۆمیتر لە ڕێگاوبانی هاتوچۆی ڕەشماڵەکان لە ئاستی پارێزگادا زیانیان پێ گەیشتووە".
بەهۆی هاتنی لافاوی زۆر و پڕئاوبوونی ڕووبارەکان، زیانێکی زۆر بە کەلوپەلی ئەو ڕەشماڵانە گەیشتووە کە لە نزیکی ڕووبارەکان نیشتەجێن.
ئەو ڕەشماڵانەی کە زیانیان پێ گەیشتووە زۆربەیان نیشتەجێی شارەکانی سیروان، چوار، ئەیوان و دڕەشارن.
هەروەها لە هاتنی ئەو لافاوەدا چەندین سەر مەڕی ئەو ڕەشماڵانە لەنێو چوون.
