"مانی سەعیدی" وەرزشوانی کەمئەندامی لاوی کرماشانی لە کێبڕکێیەکانی پارائاسیایی ٢٠٢١ی لاوانی وڵاتی بەحرەین، میداڵی پاڵەوانیەتیی بەدەست هێنا.
"سەعیدی" وەرزشوانی کوردی کرماشانی لەو کێبڕکێیانە لە کێشی ٩٧ کیلۆدا بەشداریی کردووە و بە بەرزکردنەوەی وەزنەی ١٣٥ کیلۆگرەمی توانی میداڵی "زێڕ" بەدەست بهێنێت.
ئەو کێبڕکێیانە بە میوانداریەتیی وڵاتی "بەحرەین" بەڕێوە چووە و ورزشوانان لە وڵاتان لە نۆ بواردا بەشدارییان کردووە.
هەروەها وەرزشوانێکی کەمئەندامی دیکەی کرماشانی بە ناوی "عەلیڕەزا ئیزەدی" لە بەشی گەورەساڵان لە کێبڕکێی وڵاتی گورجستان بەشداریی کردووە و توانیویەتی میداڵی "زیو"ی گرووپی بەدەست بهێنێت.
