کوردستان میدیا

ماڵپەڕی ناوەندیی حیزبی دێموکراتی کوردستانی ئێران

لایەنگرانی حیزبی دێموکرات لە "گۆگجە" پەیامی پیرۆزباییان بۆ حیزب نارد

17:31 - 25 گەلاوێژ 2720

ئەندامان و لایەنگرانی حیزبی دێموکراتی کوردستانی ئێران لە گوندی "گۆگجە"ی سەرشیوی مەریوان بەبۆنەی ٢٥ی گەلاوێژەوە پەیامێکیان بڵاو کردەوە.

دەقی پەیامەکە بەم چەشنەیە:

بەبۆنەی ٧٥ـەمین ساڵڕۆژی دامەزراندنی حیزبی دێموکراتی کوردستانی ئێران لەلایەن گەنجان و لاوانی گوندی "گۆگجە"وە پیرۆزبایی لە تەواو کادر و پێشمەرگەکانی حیزبی دێموکرات دەکەین. ئەم ڕۆژە پیرۆزە لە بنەماڵەی سەربەرزی شەهیدان و زیندانییانی سیاسی  پیرۆز بێت. حیزبی دێموکرات لە ڕۆژی دامەزرانیەوە هەتاکوو ئەمڕۆ بێ هیچ کەم و کوڕییەک بە بێوچان خەبات دەکات و نەوەستاوە و بۆ کوردستانێکی ئازاد و دێموکراتیک و ژیانێکی یەکسانیخوازانە و بەرابەری لە خەباتدا بەردەوام بووە، هەر بۆیە ئیمە وەک گەنجان و لاوانی گوندی "گۆگجە" داوا لە تەواوی گەنجان و لاوانی ڕۆژهەڵات دەکەین بە هەر شێوازێک بووبێت بۆ ئازادیی خۆیان و وڵاتەکەیان هەڵوێست بگرن و تێبکۆشن، هەر بۆیە بە درێژەدان و یەکبوونمان دەتوانین ڕێگای شەهیدان درێژە پێ بدەین و ئاوات و ئامانجی شەهیدان بەدی بێنین.

بەرز و پیرۆز بێت یادی ٧٥ ساڵەی دامەزراندنی حیزبە خۆشەویستەکەمان

سڵاو لە شەهیدانی ڕێگای ڕزگاریی کوردستان

بژی حیزبی دێموکراتی کوردستانی ئێران

گەنجان و لاوانی گوندی گۆگجەی سەرشیوی مەریوان