ئەندامان و لایەنگرانی حیزبی دێموکرات شەوی پێنجشەممە لەسەر هەینی ڕێکەوتی ٩ لەسەر ١٠ـی پووشپەڕی ١٤٠١ی هەتاوی پێشمەرگەکانی شار بەبۆنەی ٢٢ی پووشپەڕ ٣٣ـەمین ساڵوەگەڕی تێرۆری ڕێبەری ناوداری کورد دوکتور "عەبدولڕەحمان قاسملوو" و هاوڕێیانی لەسەر ڕێگای بۆکان ـ میاندواو چالاکیی تەبلیغییان بەڕێوە برد.
پێشمەرگەکانی شار لە نێوان گوندەکانی "داشبەند و مەڵالەر" بە نووسینی دروشم و کێشانەوەی ئاڵای کوردستان لەسەر شاخەکانی ئەو ناوچەیە چالاکیی تەبلیغییان بەڕێوە برد.
ڕۆڵەکانی دێموکرات بە بەڕێوەبردنی ئەو چالاکییانە، یاد و ناوی ڕێبەری مەزنی گەلی کورد دوکتور "قاسملوو" و هاوڕێیانیان بەرز ڕاگرت و هەیبەتی ڕێژیمی داگیرکەریان لەو ناوچەیە تێک شکاند.
