کوردستان میدیا: ئه‌ندامان و لایه‌نگرانی حیزبی دێموكراتی كوردستانی ئێران، لە شاری مەریوان، چالاکیی تەبلیغییان بەڕێوە برد.
ئەندامان و لایەنگرانی حیزبی دێموکرات بە هەڵکردنی ئارمی حیزبی دێموکراتی کوردستانی ئێران، لە پارکی شانۆی شاری مەریوان، پشتیوانی و وەفادارییی خۆیان دووپات کردەوە.
شەکانەوەی ئارمی حیزبی دێموکراتی کوردستانی ئێران، بۆ ماوەی چەند ڕۆژ لە پارکی شانۆی شاری مەریوان، دڵخۆشیی خەڵکی نیشتمانپەرەری ئەم شارەی لێ کەوتەوە.
ئەندامان و لایەنگرانی حیزبی دێموکراتی کوردستانی ئێران، بەردەوام لە شارەکانی ڕۆژهەڵاتی کوردستان بە شێوەی جۆراوجۆر بۆ پشتیوانیی لە حیزبی دێموکرات و ڕاسانی ڕۆژهەڵات چالاکیی بەرینی تەبلیغی بەڕیوە دەبەن و دڵی ڕێژیمی داگیرکەری ئێرانیان وەلەرزە خستووە.
