ڕۆژی هەینی ٢٦ی خاکەلێوەی ١٤٠٠ی هەتاوی، پێشمەرگەکانی شار لە "بۆکان" چالاکیی بەرینی تەبلیغییان بەڕێوە برد.
ئەو چالاکییە لەسەر ڕێگاکانی ئاوایی سەراو، گۆگتەپە و تڕانزیتی بۆکان – میاندواو بەڕێوە چووە.
لەو چالاکییەدا بۆ پشتیوانی لە هێزی پێشمەرگەی کوردستان، ئاڵای پیرۆزی کوردستان و لۆگۆی هێزی پێشمەرگەی کوردستان هەڵ کرا.
هەروەها ئەندامانی حیزب لە کوێستانەکانی "هەوارەبەرزی ناوچەی گەورکایەتی و گوندی یاغیان" سەر بە شاری "بۆکان" بۆ پشتیوانی لە حیزبی دێموکرات چالاکیی بەرینی تەبلیغییان بەڕێوە برد.
لەو چالاکییەدا و لەنێو سەیرانچییەکان، "بەرنامە و پەێڕەوی نێوخۆی حیزب" بڵاو کراونەتەوە.
لەلایەکی دیکەوە و لە شاری "ساحێب"، "مەیدانی فەرهەنگ، ڕێگای سەقز- سنە و ڕێگای گوندی قیلەسون" سەر بە شاری "سەقز" چالاکییەکی بەربڵاو بەڕێوە چووە.
لەو چالاکییەدا "ئاڵای پیرۆزی کوردستان، وێنەی قازی محەممەد و دوکتور سادق شەرەفکەندی" بڵاو کراونەتەوە.
هەروەها ئەندامانی حیزب لەو شارە پەیمانیان لەگەڵ شەهیدان و پێشمەرگەکان نوێ کردووەتەوە کە هەتا سەر وەفادار بە ڕێگا و ڕێبازیان دەبن.
