بزووتنەوەیەکی نوێی شیعە لە عێراق دامەزراوە کە بە ئاشکرا خۆی بە لایەنگری ڕێژیمی ئێران دەزانێت.
"هاشم حەیدەری" پیاوێکی ئایینیی شیعەیە کە سەر بە ڕێژیمی ئیسلامیی ئێرانه و بزووتنەوەی "عەهدوڵڵا"ی لە عێراق دامەزراندووە و ڕایگەیاندووە: "دەبینە ڕۆڵەی عەهدوڵڵا و خامنەیی لە عێراقدا".
سەرۆکی ئەو بزووتنەوەیه جەختی کردووەتەوە، لەوپەڕی ئامادەباشیداین بۆ شوێنکەوتنی "عەلی سیستانی" و ئامادەن گیانی خۆیان بدەن.
وێڕای گرووپەکانی دیکە وەک "حیزبوڵڵا، عەسائیب و نوجەبا" و هەندێک گرووپی دیکە، بەم دواییانە چەندین گرووپی نوێی چەکدار لە عێراق کە نزیک لە ڕێژیمی ئێرانن دامەزراون و هەڕەشەیان لە ئامریکا کردووە.
