ئەندامان و لایەنگرانی حیزبی دێموکراتی کوردستانی ئێران لە شاری "مەریوان" بەبۆنەی ٧٥ـەمین ساڵوەگەڕی دامەزراندنی حیزبی دێموکرات لە زۆربەی گەڕەک و کۆڵانەکانی ئەو شارەدا چالاکیی تەبلیغییان بەڕێوە برد.
قارەمانانی دێموکرات لەو چالاکییەدا بە بڵاوکردنەوەی تراکت و پۆستێری پەیوەندیدار بە ٢٥ی گەلاوێژ، ئەمەگناسی و وەفاداریی خۆیان بە ڕێبازی حیزبەکەیان دووپات کردەوە.
ئەو شوێنانەی قارەمانانی دێموکرات چالاکییان تێدا بەڕێوە بردووە بریتین لە: "پارکی شانۆ، چوارڕێیانی شەبڕەنگ، مەیدانەکانی نەورۆز و سپا و جاشەکان، ڕێگای زرێبار بۆ سەرسنوور و ئاوایی گویزە کوێرە".
ئەو چالاکییانە لەکاتێکدا بەڕێوەچووە کە نێو شار بە تەواوی حکوومەت نیزامی بووە.
