بەپێی نوێترین ئاماری ئیدارەی تۆمارکردنی باری کەسیەتی ڕێژیمی ئێران لە ئاکامی هەر سێ ژیانی هاوبەش یەکیان بە تەڵاق دەکێشرێت.
بەپێی ئاماری ئیدارەی تۆمارکردنی باری کەسیەتی ڕێژیمی ئیسلامیی ئێران ئاماری تەڵاق لە ساڵی ١٣٩٢ی هەتاوی ٢٣ لەسەد بووە بەڵام لە ساڵی ١٣٩٨ ئەو ڕێژەیە بۆ ٣٠.٣ بەرز بووەتەوە.
شاری "سەحنە" بە ڕێژەی ٤٩.٨ بەرزترین ئاماری تەڵاقە لە پارێزگای کرماشان و "گێڵان" بە ١١.١ کەمترین تەڵاقی تێدا تۆمار کراوە.
ئاماری تەڵاق بەنیسبەت ساڵانی پێشووترەوە بەڕێژەیەکی بەرچاو زۆر بووە و پەیوەندیی ڕاستەوخۆی هەیە بە کێشەی ئابووری، هەڵاوسان، نەبوونی کار و داهاتی پێویستی بنەماڵەکان.
بنەماڵە یەکەمین پێکهێنەری کۆمەڵگایە و پەروەردە و بارهێنانی منداڵ لە نێو بنەماڵەدا سەرچاوە دەگرێت کە تەڵاق ڕۆڵێکی نەرێنی دادەنێت لەسەر داهاتووی منداڵ و کۆمەڵگادا.
