لە درێژەی بەڕێوەبردنی ڕێوڕەسمی تایبەت لەلایەن خەڵکی تێکۆشەری کوردستان بەبۆنەی شەوی "یەڵدا"، لە چەندین شار و گوندی دیکەی کوردستان ئەو ڕێوڕەسمە بەرز ڕاگیرا.
لە شارەکانی: "پیرانشار، شنۆ، بانە، سەردەشت، مەهاباد، ورمێ و بۆکان" خەڵک بە ڕازاندنەوەی سفرەی تایبەت بە شەوی "یەڵدا"، ئەو شەوەیان پیرۆز کرد.
لەو شەوەدا کە شەوی لەدایکبوونی دوکتور "قاسملوو"یە، خەڵکی کوردستان وێنەی دوکتور قاسملوو لەسەر سفرەکانیان دادەنێن و مۆمی تەمەنی دوکتور قاسملوو هەڵدەگیرسێنن.
شەوی یەڵدای ئەمساڵ، ٩٠ ساڵ بەسەر لەدایکبوونی دوکتور "قاسملوو" ڕێبەری ناوداری گەلی کورد تێپەڕی.
