ڕۆژی شەممە ڕێکەوتی ٣ی ڕەزبەر، ئەندامان و لایەنگرانی حیزبی دێموکرات لە شاری "سەقز"، بەبۆنەی ٢٥ی سپتامبر ساڵڕۆژی ڕێفراندۆمی مێژوویی کوردستانی باشوور، چالاکی تەبلیغییان بەڕێوە برد.
ڕۆڵەکانی دێموکرات لە شاری "سەقز" ئاڵای کوردستانیان هەڵ کرد و وێڕای یادکردنەوەی ڕێفراندۆمی کوردستانی باشوور، پشتیوانیی خۆیان لە حیزبی دێموکرات دربڕی.
ئەو شوێنانەی کە چالاکیی تەبلیغییان لێ بەڕێوە براوە بریتین لە: "بەرزاییەکانی قەوخ و پارکی لالە".
ئەندامان و لایەنگرانی حیزبی دێموکرات لە شاری "سەقز" بۆ جارێکی دیکە لەگەڵ ڕێبازی شەهیدان پەیمانیان نوێ کردەوە و ئامادەیی خۆیان بۆ بەڕێوەبردنی هەر جۆرە ئەرکێکی حیزبی ڕاگەیاند.
