کوردستان میدیا: هاوکات لەگەڵ ڕۆژی جیهانیی کرێکار، لە کۆبوونەوەیەکدا لە تاران، دەیان کەس لە چالاکانی کرێکاری، فەرهەنگی و خوێندکاری دەسبەسەر کران.
ڕۆژی چوارشەممە، ١١ی بانەمەڕ، هاوکات لەگەڵ ڕۆژی جیهانیی کرێکار، کۆمەڵێک لە کرێکاران لە بەردەم مەجلیسی ڕێژیمدا کۆبوونەوەی ناڕەزایەتییان گرت و درووشمیان دا.
ڕاپۆرتەکان باس لەوە دەکەن کە ئەم کۆبوونەوانە دژکردەوەی ڕێژیمی لێ کەوتووەتەوە و دەیان کەس دەسبەسەر کراون.
لە ئێستادا دۆخی ئابووریی خەڵکی ئێران بەگشتی و دۆخی کرێکاران بەتایبەتی، قەیراناوییە و هەژاری و بێکاری و گرانی گوشارێکی زۆری بۆ هاووڵاتییان هێناوە.
