کوردستان میدیا

ماڵپەڕی ناوەندیی حیزبی دێموکراتی کوردستانی ئێران

لە ئەهواز لەنێوان خەڵک و هێزەکانی ڕێژیمی ئێران شەڕ و تێکهەڵچوون ڕوویدا

12:27 - 16 بەفرانبار 2720

ڕۆی دووشەممە ١٥ی بەفرانبار، کاتژمێر ١١ی شەو، دوای ئەوەی کە لاوێکی عەرب لە ئەهواز لەلایەن هێزەکانی سپای پاسدارانی ڕێژیمی ئێران تەقەی لێکرا و بەتوندی بریندار بوو، لە بەرامبەردا خەڵکێکی زۆر لە خووزستان بەنیسبەت ئەو کردەوەیە هێرشیان کردە سەر یەکێک لە بنکەکانی سپای پاسداران.

بەپێی گەرتە ڤیدیۆیەک کە لە شەڕ و تێکهەڵچوونی خەڵک لەگەڵ سپای پاسداران بڵاو بووەتەوە، خەڵکێکی زۆر لە دەوری پایگای سپای پاسداران کۆبوونەتەوە و لە بەرامبەردا هێزەکانی سپا بەتوندی هێرش دەکەنە سەر خەڵکی ناڕازی و تەقەیان لێ دەکەن.

خەڵکی ئێران لەو ڕێژیمە سەرکوتکەرە وەزاڵە هاتوون و ڕۆژ نییە کە لە شوێنە جیاجیاکانی ئێران ناڕزایەتی، مانگرتن، تێکهەڵچوون دژی ڕێژیمی ئێران ڕوو نەدات.