ماوەی چوار ڕۆژە هێڵی تەلەفۆن لە گوندی "زووران" سەر بە سەردەشت پچڕاوە و دانیشتووانی ئەو گوندە ناتوانن لەگەڵ هیچ کەس پێوەندی بگرن.
خەڵکی ئەو گوندە بۆ چارەسەریی ئەو کێشەیە سەردانی ئیدارەی موخابراتیان کردووە، بەڵام وڵامێکیان پێ نەدراوەتەوە.
نەبوونی هێڵی ئینتێرنێت و مۆبایل لەو دۆخەی ئێستادا کە کۆرۆنا بەردەوام تەشەنە دەستێنیت بۆ خەڵک و بەتایبەت قوتابییان کێشە دروست دەکات.
هەر ئێستا کێشەی نەبوونی ئینتێرنێت لە زۆربەی گوند و شارەکانی کوردستان قوتابییانی لە خوێندن دوا خستووە.
پێشتر بەرپرسانی ڕێژیم باسیان لەوە دەکرد، لە ماوەی ساڵانی دواییدا دەسپێڕاگەیشتن بە ئینتێرنێت گەشەی کردووە، بەڵام هەنووکەش زۆربەی گوندەکان لەو خزمەتگوزارییە بێبەرین.
