کوردستان میدیا: کۆمپانیا مایکرۆسافت ٩٩ وێبسایتی هەکێرە ئێرانییەکانی داخستووە، کە بۆ هێرشی سایبری بەکار هێنراوە.
ڕۆژی چوارشەممە، ٧ی خاکەلێوە، کۆمپانیای مایکرۆسافت ڕایگەیاند، وێبسایتەکانی گرووپی "فۆسفۆر"ی داخستووە و لە ساڵی ٢٠١٣ـەوە چالاکییەکانی خستووەتە ژێر چاوەدێری.
کۆمپانیای مایکرۆسافت لە بەشێکی دیکەی ڕاگەیاندراوەکەیدا ئاماژەی بەوە داوە، کە ئەم گرووپە پێوەندییان لەگەڵ ڕێژیمی ئیسلامیی ئێران بووە و بە هەوڵدان بۆ دزینی زانیارییە گرینگەکانی چالاکان، ڕۆژنامەنووسان و ناوەند و کۆمپانیاکانی دیکە لە ڕۆژهەڵاتی نێوەڕاست، یارمەتی ڕێژیمی ئیسلامییان داوە.
هەر بەپێی ئەم ڕاگەیەندراوە، ئەم گرووپە هەوڵی هەککردنی ڕێکخراوە و کۆمپانیا ئامریکایییەکانیشی داوە.
پێشتر چەندین گرووپی هەکێری ئێرانی هەوڵی هەککردنی، ڕێکخراوە هەواڵدەرییەکانی ئامریکا، کۆمپانیا تایبەتییەکانی لە زانکۆوەکان داوە.
ڕێژیمی ئێران لە هەوڵدایە بە کەڵکوەرگرتن لە هەکێریی و هێرشی سایبری، ڕێگایەک بۆ دەوردانەوەی گەمارۆوەکانی ئامریکا بدۆزێتەوە، هەتا لەو ڕێگەوە زیاتر بتوانن درێژە بە کردەوە تێرۆریستی و ئاژاوەگێڕییەکانیان بدەن.
