ناوەندی سیاسیی حیزبی دێموکراتی کوردستانی ئێران ڕوو لە حیزب و ڕێکخراوە سیاسییەکان، کەسایەتییەکان، ئۆرگانەکانی حیزب، دۆستان و نزیکانی حیزبی دێموکرات کە لە دوای شەهیدبوونی کاک "لوقمان مێهفەر" لەگەڵ حیزبی دێموکرات هاوخەمییان دەربڕیبوو، سپاسنامەیەکی بڵاو کردەوە.
دەقی سپاسنامەکە بەم چەشنەیە:
سپاسنامە و پێزانین
بە دوای شەهیدبوونی هاوڕێ کاک "لوقمان مێهفەر" ئەندامی ناوەندی سیاسی، لە چەند ڕۆژی ڕابردوودا
کۆمەڵێک لە حیزب و ڕێکخراوە سیاسییەکان، کەسایەتییەکان، ئۆرگانەکانی حیزب، دۆستان و نزیکانی حیزبی دێموکراتی کوردستانی ئێران، چ بە ئامادەبوون لە ڕێوڕەسمی بەخاکسپاردنی شەهید "لوقمان مێهفەر"، چ بە بڵاوکردنەوەی ڕاگەیاندن یان ناردنی پەیام و نامە یان لە ڕێگای پێوەندیی تەلەفۆنییەوە لە نێوخۆی وڵات، لە دەرەوەی وڵات و لە باشووری کوردستان، هاوخەمیی خۆیان لەگەڵ حیزبی دێموکراتی کوردستانی ئێران و بنەماڵەی شەهید "لوقمان مێهفەر" دەربڕیوە. لەو پێوەندییەدا ناوەندی سیاسی بە ئەرکی خۆی دەزانێت سپاس و پێزانینی خۆی لەو شەپۆلە لە هاوخەمی بۆ هەر تاکێک و هەرلایەنێک دووپات بکاتەوە و هیوادارین هەموو لایەک لە هەر ناخۆشییەک و خەمی لەم بابەتە بەدوور بن.
"ڕۆحی شەهید لوقمان مێهفەر شاد بێت".
لەگەل ڕێز و سپاسی دووبارەمان.
حیزبی دێموکراتی کوردستانی ئێران
ناوەندی سیاسی
٢٤ی خاکەلێوەی ١٤٠٠ی هەتاوی
١٣ی ئاوریلی ٢٠٢١ی زایینی
