نرخی دۆلار لە سەڕافییەکانی ئێران، ٢.٤٤ لەسەد بە بەراورد لەگەڵ ڕۆژی ڕابردوو، بەرز بووەوە.
ڕۆژی یەکشەممە ٢١ی بانەمەڕ، سامانەی بانکیی ناوەندی ڕێژیمی ئێران نرخی دۆلاری بە فەرمی شازدە هەزار و دووسەد تمەن ڕاگەیاند کە بە بەراورد لەگەڵ ڕۆژی شەممە، ٥٠٠ تمەن بەرز بووەتەوە.
ئابووریناسێک باس لە چوونەسەرەوەی نرخی دۆلار تا کۆتایی وەرزی هاوین دەکات کە دەگاتە ٢٠ هەزار تمەن و ئەمە نیشانەی چوونەدەرەوەی کۆنترۆڵی سەقامگیریی بازاڕ لە دەستی بانکی ناوەندیی ڕێژیمە.
چوونە سەرەوەی نرخی دۆلار دەبێتە هۆی کێشەگەلێکی ئابووریی وەک: "هەڵاوسانی ئابووری، بێکاری، زۆربوونی نەختینەیی و لە هەمان کاتدا کەمبوونەوەی نرخی دراوی ئەو وڵاتە"؛ هەروەها کۆمەڵێک کێشەی ئابووریی دیکەی لێ دەکەوێتەوە و هەرچی زیاتر ئەو ڕێژیمە بەرەو داڕمانی ئابووری دەبات.
