نوێنەری "عەلی خامنەیی" لە ورمێ لە قسەکانی نوێژی هەینی لەو شارەدا، وتی، ئەو کەسانەی لە مەجلیسی ڕێژیم باسی نەتەوەکان دەکەن، کەسانێکی هزر کورتن و ئەو کارەش کاری دوژمنانە.
ئاخوند سەید "مەهدی قورەیشی"، هەورەها وتیشی، کەسانێکی نائاگا پرسی نەتەوەکانیان کردووەتە مێعیار و ئەو کارەش کاری دوژمنانە و مەجلیس دەبێ شوێنی مەعنەوییات بێت و کەسانێکی لە خواترس بچنە مەجلیسەوە.
هەورەها ئاماژەی بەو دا، هەموومان دەبێ ئاگایی خۆمان بەرینە سەرەوە و پێوەری هەموومان دەبێ ویلایەتی فەقیهـ بێت، نەک وەزیر و بەرپرس.
قسەکانی پشنوێژی هەینیی ورمێ لە کاتێکدایە کە کەمتر لە ٢٠ ڕۆژی دیکە خولی ١١هەمین هەڵبژاردنی نوێنەرای مەجلیسی ڕێژیمی ئاخوندی دەست پێدەکات و هەموو هەوڵی ڕێژیم ئەوەیە کە زۆرترین خەڵک بێێتە سەر سندووقی دەنگدانەوە.
چاوەدێرانی سیاسی لەو باوەڕەدان، ئەم خولەی مەجلیسی ڕێژیم کەمترین ڕێژەی دەنگدانی دەبێت و لەو پەیوەندییەشدا، ڕێژیم هەوڵی یەکدەستکردنی مەجلیس دەدات.
