"بێهزاد بەرقی" بەڕێوەبەری ئیدارەی گشتیی ڕێگاوبان و گواستنەوەی پارێزگای ورمێ وتوویەتی: "بۆ نۆژەنکردنەوەی ١٢ خاڵی کارەساتباری ڕێگاکانی پارێزگا، بڕی ٢ میلیارد تمەن تێچوو پێویستە".
ناوبراو هەروەها وتوویەتی کە ٤٤ خاڵی کارەساتبار لە ڕێگاکانی هاتوچۆی پارێزگا بوونیان هەیە کە ساڵانە ڕووداوی هاتوچۆیان لێ ڕوو دەدا و زیانی گیانیی زۆری لێ دەکەوێتەوە.
ناوبراو هەروەها ئەوەشی خستووەتە ڕوو کە ڕێگای زۆرێک لە گوند و ناوچە ئەستەمەکانی پارێزگا هێشتا ئاسفاڵت نەکراون و کارەساتی زۆریان لێ دەکەوێتەوە.
خەڵکی ناوچە هۆکاری ڕووداوەکانی هاتوچۆ بۆ کەمیی بودجە بۆ نۆژەنکردنەوەی ڕێگاکان دەگەڕێننەوە و تا ئێستاش ئەگەر بودجەیەک تەرخان کرابێت بۆ نۆژەنکردنەوەی ڕێگاکان، لەلایەن سپای تێرۆریستی پاسدارانەوە بە تاڵان براون.
