کوردستان میدیا

ماڵپەڕی ناوەندیی حیزبی دێموکراتی کوردستانی ئێران

٧ هاووڵاتیی عه‌ره‌بی ئه‌هواز سزای سێداره‌ و زیندانیان به‌سه‌ردا سه‌پا

18:02 - 19 پووشپەڕ 2712

کوردستان میدیا: ٥ هاووڵاتیی عه‌ره‌بی ئێرانی به‌ تۆمه‌تی دژایه‌تیی خوا و هه‌وڵدان له‌دژی ته‌ناهیی نه‌ته‌وه‌یی سزای سێداره‌یان به‌سه‌دا سه‌پا.


هاوکات دوو چالاکی دیکه‌ی عه‌ره‌بی سزای درێژماوه‌ی زیندنیان به‌سه‌ردا سه‌پاوه.
ماڵپه‌ڕی ئه‌لعه‌ره‌بییه‌ له‌ زاری نزیکانی ئه‌و هاووڵاتییه‌ عه‌ره‌بانه‌وه‌ بڵاوی کردۆته‌وه، ده‌زگای قه‌زایی رێژیمی ئێران، محه‌ممه‌د عه‌لی عمووری، هادی راشدی، هاشم شه‌عبانی، جابر ئه‌لبووشووکه‌ و موختار ئه‌لبووشووکه، ٥ هاووڵاتیی دانیشتووی ناوچه‌ی خه‌لیفه‌ رۆژهه‌ڵاتی شاری ئه‌هواز به‌ سزای سێداره‌ مه‌حکووم کردووه.
ئه‌و هاووڵاتییانه‌ که‌ به‌ تۆمه‌تی سیاسی ده‌سبه‌سه‌ر کراون، له‌لایه‌ن دادگای رێژیمی ئیسلامیی ئێرانه‌وه‌ به‌ دژایه‌تیی خوا و پیغه‌مبه‌ و هه‌وڵدان له‌دژی ته‌ناهیی نه‌ته‌وه‌یی تۆمه‌تبار کراون.
دوو چالاکی دیکه‌ی عه‌ره‌ب له‌و دانیشتوانی باشووری رۆژئاوای ئێران، سزای زیندانیان به‌سه‌ردا سه‌پاوه. عه‌بدولڕه‌حمان عه‌ساکره‌ به‌ ٢٠ ساڵ و ئیسماعیل‌ عیباده‌ت به‌ ٥ ساڵ زیندانی سزا دراون.
٢٨ی جۆزه‌ردانی ١٣٩١ی هه‌تاوی، ٤ چالاکی عه‌ره‌بی ئێرانی له‌ باشووری رۆژئاوای ئێران به‌ تۆمه‌تی وێکچوو له‌ سێداره‌ دران که‌ ٣ که‌سیان برا بوون.

23هه‌مين ساڵیادی تیرۆری دوکتور قاسملوو