کوردستان میدیا

ماڵپەڕی ناوەندیی حیزبی دێموکراتی کوردستانی ئێران

ئه‌مریکا، رێژیمی ئێرانی به‌ پاڵپشتی له تیرۆریزم تۆمه‌تبار ده‌کا

16:12 - 11 گەلاوێژ 2712

کوردستان میدیا: وه‌زاره‌تی ده‌ره‌وه‌ی ئه‌مریکا له‌ راپۆرتی ساڵانه‌ی خۆیدا سه‌باره‌ت به‌ بارودۆخی تیرۆریزم له‌ جیهان، رێژیمی ئێرانی به‌ چالاکترین پشتیوانی تیرۆریزمله‌ قه‌ڵه‌م دا.


له‌ راپۆرتی وه‌زاره‌تی ده‌ره‌وه‌ی ئه‌مریکادا هاتووه: له‌ ساڵی ٢٠١١ی زایینیدا، ئێران پشتیوانی چالاکی تیرۆریزمی ده‌وڵه‌تی بووه‌ و چالاکییه‌کانی خۆی له‌و پێوه‌ندیه‌دا زیاتر کردووه.
به‌پێی راپۆرتی بی‌بی‌سی، وه‌زاره‌تی ده‌ره‌وه‌ی ئه‌مریکا رایگه‌یاندووه: رێژیمی ئێران هه‌وڵی ئه‌وه‌ ده‌دات لە هه‌لومه‌رجی ناله‌باری سیاسی پاش شۆڕشه‌کانی ناسراو به‌ به‌هاری عه‌ره‌بی په‌ره‌ بە تیرۆریزم بدات هه‌روه‌ها له‌هه‌مبه‌ر گوشاری روو له‌ زێاد بووی ده‌ره‌کی بۆسه‌ر تاران، که‌ڵکی خراپ وه‌ربگرێت.
رێژیمی ئێران بۆ یه‌که‌م جار له‌ ساڵی ١٣٨٤ له‌لایه‌ن ده‌وڵه‌تی ئه‌مریکاوه‌ وه‌کوو وڵاتێکی پاڵپشتی تیرۆریزم له‌ قه‌له‌م درا.
به‌پێی ئه‌م راپۆرته، تاران درێژه‌ به‌ دابین کردنی چه‌کوچۆڵ و په‌روه‌رده‌ی گرووپه‌ تیرۆریستییه‌کانی وه‌کوو حیزبوڵڵای لوبنان و چه‌ند گرووپی فه‌لستینی ده‌دات.
هه‌روه‌ها ئه‌م راپۆرته‌ رێژیمی ئێرانی به‌ هاریکاریی ئه‌لقاعیده‌ تۆمه‌تبار کردووه‌ و رایگه‌یاندووه، رێژیمی ئێران ئیزنی به‌ ئه‌ندامانی ئه‌لقاعیده‌ داوه‌ هه‌تا له‌ خاکی ئێرانه‌وه، کاری راگواستنی پاره‌ و ئه‌ندامانی ئه‌لقاعیده‌ بۆ باشووی ئاسیا ئه‌نجام بده‌ن.
بەرەو 67مین ساڵوەگەڕی دامەزرانی حێزبی دێمۆکراتی کوردستانی ئێران