لە گرتە ڤیدیۆیەکدا کە لە توڕە کۆمەڵایەتییەکاندا بڵاو بووەتەوە هێزە ئینتزامییەکانی ڕێژیم بێڕێزیان بە ژنێکی ئەفغانی لە ئۆردووگایی"عەسکەر ئاباد"ی تاران کردووە کە بۆ سەردانی کوڕەکەی ڕۆیشتبووە ئەو شوێنە.
ئەو ژنە تەنیا بە مەبەستی چاوپێکەوتن و ئاگاداربوون لە دۆخی ژیانی کوڕەکەی ڕۆیشتووەتە ئەو ئۆردووگایە لە تاران.
هاووڵاتیانی ئافغانی لە ئێران لە سەرەتاییترین مافی ژیان بێبەشن و ڕۆژانە بە شێوازی جۆراوجۆر لەلایەن ڕێژیمەوە دەچەوسێنەوه.
مانگی بانەمەڕی ئەمساڵ ٥٠ هاووڵاتیی ئەفغانی لە ناوچەی ''زولفەقار'' لەلایەن هێزەکانی سەر سنووری ئێرانەوە لە دوایی لێدان و ئەشکەنجەیەکی زۆر فڕێدرانە نێو ڕووباری ''هەریروود''ەوە و ژمارەیەکیان خنکان.
وەزارەتی دەرەوەی ئەفغانستان ئەو کات داوای لە کاربەدەستانی ڕێژیمی ئێرانیش کرد کە بەنیسبەت خنکانی ئەو هاووڵاتییانە لێکۆڵینەوە بکەن.
