هێزە نیزامییەکانی ڕێژیمی ئێران لەنێو شاری بۆکان خاڵی پشکنین دادەنێن و خەڵکیش ئازار و ئەزیەت دەدەن.
بەپێی زانیارییە گەیشتووەکان بە ماڵپەڕی "کوردستان میدیا" له شارى بوكان، يەگانی تایبەتی سپاى پاسداران به شەو و به ڕۆژ له شەقام، فەلەكه، سێڕێیان و دەروازەکانی هاتنەژوورەوەی شار خاڵی پشکنین دادەنێن و خەڵک ئازار و ئەزيەت دەدەن.
هەواڵنێری کوردستان میدیا ڕایگەیاندووە، هێزەکانی ڕێژیمی ئێران له شوێنەکانی وەک پردی تازەی "میراوا"، پارکی ساحلی و ڕێگای سه‌رده‌شت، خاڵی پشکنینیان داناوە.
هێزەکانی ڕێژیمی ئێران ماشینی خەڵک ڕاده‌گرن، پرسیاریان لێ ده‌که‌ن و مەدارکیان لێ دەستێنن.
يەگانی تایبەتی سپا له پارێزگاى تەورێز هاتوونەتە بۆكان و لەو شارە جێگير كراون کە هەمووی ئەو هێزانە ماشینی دژە شۆڕشیان پێیە.
