نرخی هەر شانەیەک هێلکە کە لە ماوەی حەوتووی ڕابردوودا بە شێوەیەکی سەرسووڕهێنەر گەیشتبووە ٣٠ هەزار تمەن، ئەمڕۆ دووشەممە ٢٤ی خەرمانان نرخەکەی دیسان هەڵکشا و گەیشتووەتە ٣٨ هەزار تمەن.
''مەهدی یووسف خانی'' باسی لەوە کردووە کە نرخی هەر شانەیەک هێلکە لە کێڵگە پەلەوەرییەکان ٣٣ هەزار تمەنە و بۆ دووکانداران بە ٣٥ هەزار تمەن و بۆ بەکارهێنەران بە ٣٨ هەزار تمەن تەواو دەبێت.
ناوبراو وتوویەتی کە وێنەی نەبووە کە نرخی هێلکە لە ٣٠ هەزار تمەنەوە بەرزتر ببێتەوە، هەناردەکردن هۆکاری سەرەکیی چوونە سەرەوەی نرخی هێلکەیە.
ئابووری و کۆنترۆڵی نرخەکان لە دەستی کاربەدەستانی ڕێژیمی ئێران چووەتە دەرەوە و خەڵکی کوردستان و ئێران ڕۆژ لەگەڵ ڕۆژ شاهیدی ڕەوتی چوونە سەرەوەی نرخی شتومەکە خواردەمەنییەکانن.
