بەرپرسێکی وەزارەتی پەیوەندییەکان و فەناوەریی زانیارییەکانی ڕێژیمی ئێران وتوویەتی: "٥ هەزار گوندنشین لە ئێران لە خزمەتگوزاریی ئینتێرنێت بێبەشن و ئەو کێشەیە بەم زووانە چارەسەر ناکرێت".
"مێهرداد تورابییان" بەرپرسێکی وەزارەتی پەیوەندییەکان و فەناوەریی زانیارییەکانی ڕێژیمی ئێران، نەبوونی کەرەستە پێویستەکانی دروستکردنی هێڵی ئینتێرنێت لە نێوخۆی وڵاتی کردووەتە بیانوو و وتوویەتی ئەو کەرەستانە لە ئێران دەست ناکەون و دەبێ هاوردە بکرێن.
ناوبراو هەروەها باسی لەوە کردووە: "بەهۆی ئەو کێشەیەوە لە سەرەتای دەستپێکی خوێندنی ئانلاین زیاتر لە سێ ملیۆن قوتابی لە ئێران لە دەستپێڕاگەیشتن بە ئینتێرنێت بێبەری بوونە".
نەبوونی هێڵی ئینتێرنێت لە ٥ هەزار گوندی ئێران لە کاتێکدایە کە هێڵی ئینتێرنێت بەگشتی لە ئێران زۆر خاوە و خەڵک بۆ دابەزاندن و ناردنی بابەت یان فایلێک دەبێ چەندین خوولەک چاوەڕێ بکەن.
