ئەنجومەنی فێرکاری-کولتووریی هیوای زانست لە شاری سەقز بۆ گەشەی زیاتری زانست و پەرەدان بە ڕەوتی خوێندنەوە، هەڵمەتێکی نوێیان ئەنجام دا.
ئەنجومەنی فێرکاری-کولتووریی "هیوای زانست" بۆ پەرەپێدانی ڕەوتی خوێندنەوە و دابینکردنی شوێنی گونجاو بۆ لایەنگرانی کتێب و خوێندنەوە، لە هەڵمەتێکی نوێدا دەستی داوەتە سازکردنی کتێبخانە لە گەڕەکە پەڕاوێزەکان.
ئەو گەرەکانەی کە ئەو ئەنجومەنە دەستی کردووە بە دانانی کتێبخانە تێیدا، بریتین لە: "گەڕەکی نەشمیلان، شارۆچکەی جاقل، شارۆچکەی زاگرۆس (کووهدەشت) و شارۆچکەی پشت دادگوستەری".
ئەو ئەنجومەنە بۆ بەردەوامیی هەنگاوەکانیان لەو پێناوەدا داوای پشتگرییان لە خەڵکی کوردستان بەتایبەت خەڵکی ئۆگری کتیب و خوێندنەوە کردووە.
