کوردستان میدیا: ناوەندی ئاماری ڕێژیمی ئێران بڵاوی کردووەتەوە کە نرخی هەڵاوسان لە مانگی ڕەزبەردا ٤٢ لەسەد بووە و بەرەو هەڵکشان چووه.
هەواڵدەریی "ئیسنا" لە زاری "جەواد حسێنزادە"، سەرۆکی ناوەندی ئاماری ڕێژیمی ئێران بڵاوی کردووەتەوە: "هەڵاوسان لە مانگی ڕەزبەردا بەرز بووەتەوە".
پێوەری "فەلاکەت" کە نرخی بێکاری و هەڵاوسان لەخۆ دەگرێت، ٤٨.٤ لەسەدە.
بەرزبوونەوەی هەڵاوسان لە خۆراکدا لە بەهاری ئەمساڵدا زیاتر لە ٥٦ لەسەد بووە.
نرخی خاک بۆ خانووبەرە، ١٧٥ لەسەد، "ئاپارتمان" ١١٠ لەسەد و ئیجارە بەها، ٣٥ لەسەد بەرز بووەتەوە.
بەرزبوونەوەی نرخی هەڵاوسان بە شێوەی ڕاستەوخۆ کاریگەریی لەسەر نرخی شتومەک و کەلوپەلەکانی ژیان و خزمەتگوزارییەکان دادەنێت و بەرەبەرە ئاستی بەرهەمهێنان دادەبەزێنێت و گرانی بەدیاری دێنێت.
هاوکات هەڵاوسان دەبێتە هۆی داخرانی یەکە و کارخانە پیشەسازییەکان و پەرەسەندنی بێکاریی زیاتر، ئەمەش لە چەند حەوتووی ڕابردوودا و لە بەرەبەری دەستپێکی تەحریمە نوێیەکانی ئامریکا بەتەواوەتی خۆی دەرخستووە.
