بەپێی ڕاپۆرتی ناوەندی ئاماری ڕێژیمی ئێران، لە مانگی ڕەزبەردا هەڵاوسانی خاڵ بە خاڵ ڕێکۆردی مانگەکانی ڕابردووی شکاندووە و لەو مانگەدا هەڵاوسان گەیشتووەتە ٤١ لەسەد.
ناوەندی ئاماری ڕێژیم بڵاوی کردووەتەوە، نرخی هەڵاوسانی مانگانە دەرخەری ئەوەیە لە مانگی ڕەزبەردا هەڵاوسان ٧ لەسەد گەشەی کردووە کە بەنیسبەت مانگی خەرمانانەوە ٣.٤ لەسەد گەشەی کردووە.
هەروەها بەپێی هەمان ئامار، نرخی هەڵاوسانی ساڵانە بۆ هەر بنەماڵەیەکی شاری ٢٧.٣ لەسەد و بۆ هەر بنەماڵەیەکی گوندنشین ٧.٢٦ لەسەد بووە.
ئەو ئامارانەی ڕێژیمی ئێران بڵاوی دەکەنەوە جێگای باوەڕ نین و هەڵاوسان زۆر زیاتر لەو ئامارە گەشەی کردووە و نرخی شتومەکەکان زۆر لەوە زیاتر لە هەڵکشاندا بووە.
