لە درێژەی ڕەوتی گەمارۆکان بۆ سەر ڕێژیمی ئیسلامیی ئێران و لە دوای چالاککردنەوەی مێکانیزمی ماشە، بەرپرسی گرووپی تایبەت بە کاروباری ئێران لە وەزارەتی دەرەوەی ویلایەتە یەکگرتووەکانی ئامریکا ڕایگەیاندووە: "گەمارۆکان بۆ سەر ئێران لە داهاتوودا چڕتر و بەربڵاوتر دەکەینەوە".
"ئێلیووت ئابرامز" بەرپرسی تایبەت بە کاروباری ئێران لە وەزارەتی کاروباری دەرەوەی ئامریکا ڕایگەیاندووە: "ئەو گوشارانە بۆ سەر ئێران هیچ کات وەکوو پێویست نەبووە و ڕەوتی گەمارۆکان درێژە پێ دەدەین و هەتا بێت گوشارەکان زیاتر و زیاتر دەکەین".
ئەو بەرپرسەی ئامریکا وتوویەتی: "بێ لەبەرچاوگرتنی ئەوەی کە لە هەڵبژاردنی داهاتووی ئامریکادا کێ براوە دەبێت، ئێران ئامادەیە بۆ واژۆکردنی ڕێککەوتننامەی نوێ، چوونکە ئێران ناتوانێت ٤ ساڵی دیکە دەوام بهێنێت".
هەروەها ناوبراو وتوویەتی: "سیاسەتی گوشارهێنانی لەڕادەبەر شوێندانەریی قووڵی لەسەر ئیران دەبێت".
