بەرپرسێکی وەزارەتی پەروەردە و بارهێنانی ڕێژیمی ئێران وتوویەتی، زمانی چینی وەک زمانەکانی دیکە بە قوتابیانی ئێرانی دەوترێتەوە.
"عەلی موحێبی" سەرپەرەستی پلاندارێژیی وانەکان لە وەزارەتی پەروەردە و بارهێنانی ڕێژیم وتوویەتی، لە ساڵی داهاتووی خوێندندا زمانی چینی لە قوتابخانەکانی ئێران دەچێتە بواری جێبەجێ کردنەوە و بۆ ئەو مەبەستە ئامادەکاریمان کردووە.
ناوبراو وتنەوەی زمانی چینی و عەرەبی لە قوتابخانەکانی ئێرانی وەک "حەقی هەڵبژاردنـ"ـێک بۆ قوتابیان وەسف کردووە.
"موحێبی" لە درێژەدا ئاماژەی بەوە کردووە وتنەوەی زمانە بیانییەکان یەکێک له ١١ تەوەرە سەرەکاییەکانی پەروەردە و بارهێنانە لە بەرنامەی کاریی ئێمەدا.
