![](/content/upload/1/news/45476_w920.jpg)
لە دوای هێرش بۆ سەر کلیسایەک لە شاری نیس لە فەرانسە ئەمجارە لە ئۆتریش هێرش کرایە سەر کلیسایەک و چەند کەس کوژران و بریندار کران.
بەپێی ڕاگەیەندراوی وەزارەتی نێوخۆی ئۆتریش لەو هێرشەدا کەسێک کوژراوە و چەند کەسێکیش بریندار بوون.
پۆلیسی ئەو وڵاتە بڵاوی کردووەتەوە، لانیکەم ١٤ کەس لەو هێرشەدا بریندار بوونه.
هەواڵدەریی "ڕۆیتێرز" بڵاوی کردووەتەوە، هێرشبەرەکان چەند کەسێک بوونه و پۆلیسێک بەسەختی بریندار کراوە.
ئۆتریش ئەو ڕووداوەی بە تێرۆرستی لەقەڵەم داوە و ئامانجی ئەو هێرشە پەرستگایەکی جوولەکەکان بووە لەو وڵاتە.
دەوڵەتی ئۆتریش ڕایگەیاندووە، ٦ هێرش لەو وڵاتە ئەنجام دراوە.
وڵاتانی ئورووپایی ئەو هێرشەیان بەتوندی مەحکووم کردووە و ڕایانگەیاندووە، هیچ شوێنێک بۆ ڕق و توندوتیژی لە ئورووپا نییە.