بەرپرسێکی وەزارەتی وزەی ڕێژیمی ئێران ڕایگەیاندووە وزەخانەی ناوکیی بووشێهر لە ڕۆی شەممەوە بە شێوەی کاتی لە کۆنترۆڵ چووەتە دەرەوە و چاوەڕوان دەکرێت هەتا چەند ڕۆژی دیکە بچڕانی بەرق درێژەی هەبێت.
"غوڵامعەلی ڕەخشانی مێهر" جێگری هاوئاهەنگیی دابەشکردنی شیرکەتی "تەوانیر" ڕاگەیاندووە کە "لە دوێنێوە بەشێوەی لەناکاو و ماوەی سێ چوار ڕۆژە لەگەڵ دابەزینی هەزار مێگاواتی بەرهەمهێنانی وزەی ئەو وزەخانەیە بەرەوڕووین".
ناوبراو وتوویەتی بەرهەمهێنانی بەرقی ئێران لە ساڵی ڕابردوودا ٥٨ هەزار مێگاوات و بەکارهێنانی نزیکەی ٦٠ هەزار مێگاوات بووە، لەحاڵێکدا کە بەرهەمهێنانی ئێستا گەیشتووەتە ٦١ هەزار مێگاوات و بەکارهینان لە حەوتووی ڕابردوودا سەرووی ٦٢ هەزار مێگاوات بووە.
ڕێکخراو وزەی ناوکیی ڕێژیمی ئێران هۆکاری داخرانی کاتیی وزەخانەی بووشێهری گەڕاندووەتەوە بۆ "ڕوودانی کێشەی فەننی" و هیچ باسێک لە وردەکارییەکان نەکراوە.
ڕێژیم هەر جارە و بیانوویەک بۆ کەمیی بەرق و نەبوونی بەرق دێنێتەوە.
