سەرۆکی ئەنجومەنی "بونەکدارانی" تاران وتوویەتی سەرەڕای قەدەغەبوونی "ئاوی کانزایــ"ـی هاوردەیی، بەڵام ئەو ئاوانە بە ڕێژەیەکی زۆر لە بازاڕەکانی تاراندا بوونیان هەیە کە لە وڵاتانی "ئیسکاندیناویــ"ـیەوە هاوەردەی ئێران بوونە.
"سوید و دانمارک" گەورەترین وڵاتن لە بواری هەناردەکردنی "ئاوی کانزایــ"ـی بۆ ئێران و ئەو ئاوانە بە شێوەی قاچاغ، لەڕێگای سنوورەکانی باشوورەوە، هاوەردەی وڵاتی ئێران دەکرێن و بە نرخێکی زۆر لە بازاڕەکاندا دەفرۆشرێن.
ئەو ئاوانە بە گشتی و ڕۆژانە کەڵکیان لێ وەرناگیرێت و تەنیا چینی خۆشبژێو ئەو ئاوانە دەکڕن و بۆ میواندارییەکانی تایبەت و لووکس کەڵکیان لێ وەردەگرن.
