بەبۆنەی ٢٥ی گەلاوێژ پارتی سەربەستیی کوردستان پەیامی پیرۆزبایی بۆ حیزبی دێموکرات نارد و بەم بۆنەوە پیرۆزبایی لە سەرجەم ئەندامانی ڕێبەری و ئەندامانی ئەو حیزب کرد
دەقی پەیامەکە بەم چەشنەیە:
بەڕێز كاک "مستەفا هیجری" لێپرسراوی گشتیی حیزبی دێموکراتی کوردستانی ئێران
بەڕێزان: ئەندامانی سەرکردایەتی، کادیر و پێشمەرگە و تێکۆشەرانی حیزبی دێموکرات
سڵاو ڕێزی پارتی سەربەستیی کوردستانتان لێ بێت
تێکۆشەران و ماندوو نەناسانی نێو کۆڕی خەباتی کوردایەتی ( حدکا) :
بە نوێنەرایەتی گشت سەرکردایەتی و ئەندامان و هاوبیرانی پارتەکەمان، بەبۆنەی پێنانە نێو ٧٥ ساڵەی خەبات و تێکۆشانی بێ وچانتان، کە پێناسەی"یووبیلى ئەڵماسیـ"ـی پێبەخشراوە، پیرۆزبایی گەرم ئاراستەی گشت ئێوەی نیشتیمانپەروەر لە (حیزبی دێموکراتی کوردستانی ئێران) دەکەین.
مێژوو شایەتی ئەوە دەدات، کە لەم ٧٥ ساڵەدا، وێرای سەدان کۆسپ و تەگەرەی دڵتەزێن، دەریایەک لە خوێنی پاکی پێشمەرگە و کادیر وسەرکردەکانی حیزبە تێکۆشەرەکەتان، بووەتە هەوێنی پەرەپێدانی خەبات لە پێناو بە دەستهێنانی مافە ڕەواکانی گەلەکەمان، و بە هیچ شێوەیەک ئەو خەباتە ناتوانرێت بۆ هەمیشە ووشک و بنبڕ بکرێت.
لەم بۆنە پیرۆزەدا هیواخوازین لە دەستپێکی حەفتا و پێنجساڵەی خەبات و تێکۆشانتان، گەرم و گووڕییەکی زیاتر بدەن بە خەباتی نەتەوەیی و ڕزگاریی یەکجاری گەلە بندەستەکەمان.
هەروەها هیواخوازین کە لەم بۆنە گرنگ و مێژووییەی حیزبەکەتان، یەکگرتنەوە و ئاشتبوونەوەی تەواو، لە نێو هەردوو لایەنی حیزبی دیمۆکرات درووست ببێت.
بە دڵنیاییەوە ئەو هەواڵە خۆشی یادەکەتان زیاتر لە نێو خەڵکی ڕۆژهەڵاتی کوردستان و تێکۆشەرانی حیزبەکەتان، و هەموو لایەنێکی نەتەوەیی پرشنگدارتر دەکات.
جارێکی دیکە پیرۆز بێت یادی ٧٥ ساڵەی دامەزراندنی حیزبی دیمۆکرات لە هەموو هەڵگرانی ئەو بیروباوەڕە و گشت بنەماڵەی شەهیدە سەربەرزەکانتان.
پارتی سەربەستیی کوردستان
عارف باوەجانی. سەرۆکی گشتی
١٨ی گەلاوێژی ٢٧٠٢٠ی کوردی
٨ی ئاگوستی ٢٠٢٠ی زاینی
