شارەداریی بۆکان بەنیسبەت دۆخی ئەو شارەوە کەمتەرخەمە و پاش ١٠ ساڵ لە دەستپێکردنی پرۆژەی دروستکرنی پارکی "موکریان" هێشتا ئەو پرۆژەیە نیوەکارەیە.
بەپێی زانیارییەکان لە بۆکان، شارەداریی ئەو شارە دۆخی خۆشبژێویی بە تەواوەتی خستووەتە پشتگوێ و هیچ هەوڵێک بۆ تەواوکردنی پرۆژە ناتەواوەکان نادات.
هەروەها زانیارییەکان باس لەوە دەکەن کە هەر شارەدارێکی نوێ دێتە سەر کار بەڵێنیی تەواوکردنی پرۆژەی پارکی "موکریان" دەدات و لە ئاکامدا دەبیندرێت کە پرۆژەکە وەکوو خۆی بە نیوەکارەیی ماوەتەوە.
ئەو پرۆژەیە دەکەوێتە بلواری قاسملوو یان کەمەربەندیی شارەوە کە پاش ١٠ ساڵ بەڵێنییەکانی شارەدارە یەک لە دوای یەکەکان هەروا نیوەچڵ ماوەتەوە و خەڵک ئیتر بێزار بوونە.
شارەداریی بۆکان بودجەیەک کە دەبێ بۆ شارەکەی خەرج بکات بۆ ئامانجی دیکە بەکاری دێنێت، بۆیە دۆخی ئەو شارە بەم شێوازەیە.
