سەرفراز عەلی نەقشبەندی
ل شەڤەکا تاری و گران
توکا خەما
ئالا( مەهابادێ) چەماند
قورمێ بەڕویێ
ژ باڕوڤێڕا کرە هاوار
هاوار
هاوار
ژ کومتاڕا زێمار گەهاند
چآڤ و ئەسمان
ل خەلەکا ( زکرێ) گری
پێکڤە نووسیان
بۆنە باران
ل سپێدا دن
تەڤ چیا زان
ل وی دەمی
زاڕویەکێ پر هوشمەندی
ل بەر سێپێکا چار چرا
شوین پێن قازی د ڕامویسان
روندک وەراند
خەنجەر و ڤولکان
هزر و باوەر
ژ وێ رۆژێ
زاڕۆ بۆ کاژ
هەر شەڤ ل بەر تاڤا هەیڤێ
ژڤان د گرت
ئەنیا رێکێ ماچی د کر
خەونەکا رند
د چاڤا دا شەمال و فند
***
سپێدەکا گەش
مستەک ژ ئاخا چار چرا
د پاخلا خوە دا
کرە گرێ
ل ناڤ خەمێ
ل ناڤ خوهێ
هێدی هێدی
ئەو مست بۆ دەشت
ئاڤ و هەتاڤ
ل خوینا وی هینکاتی چاند
***
رۆژەک هەلات
لاوێ هوشمەند
گولاڤ گێڕا
ژبۆ زاڕۆیا
خامەک و نان
ژ پیرا ڕا
هیڤیەکا دەستک پۆلا
کرە کوپال
ستەمکارێن چآخێ بیستێ
ل دویف دەوسا شۆڕەشگێڕی
زڕک ڤەخار
ژ ترسا دا خەوا شەڤێ
لێ بۆ دەرمان
سەرێن لاوا ژ بۆ تاریێ
کرنە قوربان
دا سرودێ
ل رۆژا گوڤەند
رەش پۆش بکەت
***
چما ئەڤرو گولەکا شاش
شیا وی دلێ ب شعرێ ئاڤدای
چما (سارتر) ب تیور ڤە
گری وستران ب سەنتور ڤە
نەبۆن سەنگەر
نەبۆنە هان
کابنیا وی
هەڤالا کاروانێ گری
چاوا هێلا
هەسپێ سەگلان
بێ حەمایلوک ئوغر بکەت
بێریڤانا (سنە) و (بانە)
چما کەپەن بۆ نە ڤەهاند
ئان هەڤالا،
دوست و یارێن رامیاری زان
چما کوتر بۆ نە فراند
چما شیرازیێ دەروێش
شیرین..
فەرهاد
بۆ نە بۆنە بازبەند و تان
چما گیزیرێن سەر کۆمتا
پیلک نە شاند
زوڕنابێژین نەوروزا مە
چما ئیرو هشیار نە بۆن
تا شەهیانە
نارینا نوی
نە زڤرینە بەهیا دوهی
***
ئیرو چاوا نە لورینم
نە نالینم
نێ نڤیشکێ سالێن بوری
هەر نالینە
دەنگێ دوزا تێکوشانێ
ل ئیرانێ هەرنالینە
***
چاوا ئیرو نە کەم گری
نێ تو مینا هەیڤێ نە بۆی
ل هیڤیێ بی
روناهیا خو ژ کەسێ ب دزی
تو شەڤ نە بۆی
کو ژ ئەلندێ سپێدا ب ترسی
بێ جارە بی
تژی رەڤ بی
تو ترس نە بۆی
دا ل تاریێ ب بزڤی
نێ تو رۆژ بۆی
تەیس و سرت بۆی
هەیڤ و ستێرا
روناهیا خو
ژ تە د خاست
***
هەی لۆ گیان فیدا
هەکە تە دیت
ئەز ئەڤروکە
وەک زاڕویێ
باب لێ مری
کەلا گری
تەناهیا وی سەر ژێکری
توو خوەدێ کەی
تو ل گریێ من نە گری
نێ شاعرم
گەر گول وەریان
ستێرین وەک تە
ژ ئەسمانێ واری رژیان
ئێدی نەشێم نەکەم گری
نەکەم گری
***
پایزا ١٩٨٩ هەولێر