کوردستان میدیا

ماڵپەڕی ناوەندیی حیزبی دێموکراتی کوردستانی ئێران

پووتیی ١٦ کیلۆیی ڕۆن زیاتر لە ٤٠٠ هەزار تمەنە

12:42 - 12 سەرماوەز 2720

سەرۆکی یەکیەتیی جوملەفرۆشانی خۆراک ڕایگەیاندووە سەرەڕای ئەوەیکە ڕۆنی ٥ کیلۆیی لە بازاڕدا نییە؛ پووتیی ١٦ کیلۆیی ڕۆن زیاتر لە ٤٠٠ هەزار تمەنە.

ڕۆنی خۆراکی لە دووکان و بازاڕەکانی شارەکانی کوردستان و ئێران بە تایبەت تاران بە کەمی دەست دەکەوێت و زۆرێک لە دووکانەکان ڕۆنیان نییە.

کەمیی ڕۆن لە لە بازاڕەکانی ئێران چەند حەوتوویەکە هاتووەتە ئاراوە و بەرپرسانی ڕێژیمی ئێران سەرەڕای ئەوەیکە وادە و بەڵێنی زۆریان داوە کە ئەو کێشەیە چارەسەر بکەن، بەڵام هێچ یەک لە بەڵێنییەکانیان وەدی نەهێناوە.

گرانبوونی بەهای خواردەمەنییەکان و بەتایبەت میوە لە بازاڕەکاندا بەپێی بەهای شتومەکەکانی دیکە زۆرتر ڕووی لە هەڵکشان کردووە.

گوشاری گرانییەکان گەیشتووەتە ئاستێک کە خەڵکی ئەو وڵاتە توانایی کڕینی شتومەک و خواردەمەنییەکانیان زۆر کەمتر بووەتەوە.