کوردستان میدیا: لە دژکردەوە بە تەحریمی تۆڕی هەناردنی نەوتی ئێران بۆ سووریە، وەزیری دەرەوەی ئامریکا هۆشداری دووبارەی دایە هەموو لایەک و ڕوو لە خامنەییش پەیامێکی بڵاو کردەوە.
مایک پۆمپێئۆ وەزیری دەرەوەی ئامریکا پاش ڕاگەیاندنی هەواڵی تەحریم کردنی ٩ کەس و دامەزراوە لەلایەن وڵاتەکەیەوە بە تۆمەتی گواستنەوەی نەوت بۆ دەوڵەتی سووریە، ڕوو لە عەلی خامنەیی ڕایگەیاند: لەباتی سەرف کردنی پارەی خەڵکی ئێران بۆ تێرۆریستان، خەڵکی وڵاتەکەت بژیێنە.
هەر لە درێژەی ئەم پەیامە تویتێرییەدا ناوبراو وتوویەتی: ڕێبەری کۆماری ئیسلامی دەبێ بڕیاری کۆتایی خۆی بدات، ژیانی خەڵکی ئێرانی بەلاوە گرینگترە یان دابینکردنی کەرتی ماڵی تێرۆریستان؟
