دەقی پەیامەکە بەم چەشنەیە:
ئێمە ئەندامان و پێشمەرگەکانی شار، جێژنی ٢ی ڕێبەندان لە خەڵکی بەشەرەفی کوردستان، حیزبی دێموکرات، کادر، پێشمەرگە و ئەندامانی حیزب پیرۆزبایی دەکەین.
لە زستانێکی ساردی ٧٤ ساڵ بەر لە ئێستا، بە ورەیەکی هەتاوئاسا بەستەڵەکی داگیرکاریی کوردستان کۆتایی پێ هێنرا و کۆماری کوردستان بەدەستی پێشەوای نەمر قازی محەممەد ڕاگەیەندرا.
گەرچی ئەم کۆرپە ساوایە بەرگەی چاوچنۆکیی دوژمنانی کوردی نەگرت و بە ئەوپەڕی هێزی دوژمنکارانە بە تێگەیشتنی خۆیان لە خاکیان نا، بەڵام خوێنی سەرکردە و ئەزموونی حوکمڕانیی کورد بوو بە هەوێنی سەربەخۆخوازیی پانتایی خاکی داگیرکراوی لە هەر چوار پارچە تەنییەوە.
ئێستا پاش تێپەڕبوونی سێ چارەکی سەدەیەک، ورەمان پۆڵایینتر و هەنگاومان پتەوتر هەتا کۆتایی ئەو ڕێگایە و وەدیهاتنی ماف و ئاواتی لە مێژینەمان درێژەدەری ڕێبازەکەی پێشوای هەرمان قازی و قاسملوو و شەرەفکەندی دەبین.
سڵاو لە ڕۆحی پاکی شەهیدانی نیشتمان
ناوچەی سندووس، نەغەدە
