پێشمەرگەکانی شار له جوانڕۆ، به‌بۆنه‌ی ٢٦ی خه‌رمانان ساڵیادی تێرۆری دوکتور "سادق شەرەفکەندی" و هاوڕێیانی په‌یامێكی ڤیدیۆییان بڵاو كرده‌وه و لەگەڵ ڕێبازی شەهیدان پەیمانیان نوێ کردەوە کە تا سەر وەفادار بە ڕێبازیان دەبن.
ده‌قی په‌یامه‌كه بەم چەشنەیە:
ئێمە وەکوو پێشمەرگەکانی شار و لایەنگرانی حیزبی دێموکراتی کوردستانی ئێران لە جوانڕۆ، لە یادی ٢٨ـەمین ساڵڕۆژی شەهیدكرانی دوكتور شه‌ره‌فكه‌ندی و هاوڕێیانی، پەیمان نوێ دەکەینەوە و به‌ڵێن ده‌ده‌ین كه تا سه‌ر وه‌فادار بین به ئامانجه‌كانی شه‌هیدان.
ئێمه پێشمه‌رگه‌كانی شار، ڕێبوارانی ڕێگای شه‌هید دوکتور شەرەفکەندین و هه‌رده‌م ئامادەین تا دوادڵۆپی خوێنمان ڕێگایان درێژه بده‌ین و ڕایده‌گه‌یەنین كه كۆماری ئیسلامی ده‌بێ باش بزانێت به تێرۆركردنی ڕێبه‌ران و كادر و پێشمه‌رگه و خه‌ڵكه‌كه‌مان، نه‌ته‌نیا ئێمه لاواز نابین به‌ڵكوو به‌هێزتر و سوورتر ده‌بین بۆ درێژه‌دانی ڕێگا و تا گه‌یشتن به ڕزگاری كۆڵ ناده‌ین.
بژی حیزبی دێموكراتی كوردستانی ئێران
سەرکەوێ ڕاسان
بڕووخێت ڕێژیمی تێرۆریستیی ئێران
پێشمەرگەکانی شار له جوانڕۆ
