سپای تێرۆریستی پاسداران لە شاری سەقز ویستوویەتی دەست بە سەر کانێک دابگرێت بەڵام خەڵک ئیزنیان نەداوە.
ساڵی ١٣٨٨ی هەتاوی کانێک لە سەقز لە گوندی "وەشارەی سەرشیو" دۆزراوەتەوە و کاربەدەستانی سپای ڕێژیم هاتوون دەریبێنن و بیبەن بەڵام خەڵکی گوندەکە نەیانهێشتووە و ڕۆیشتوون.
دوای تێپەڕینی چەند ساڵ دیسان ئەو کاربەدەستانەی ڕێژیم هاتوونە و یارمەتییان لە شورای گوند کە سەر بە ڕێژیمن وەرگرتووە.
بەهۆی ئەوەیکە کانکە لە نزیک ئاواییەکە هەڵکەتووە و لکاوە بە قوتابخانەی سەرەتایی دانیشتوانی گوندەکە سکاڵایان بردووەتە ئیدارەی سامانە سرووشتیەکان و پێشیان بەو کارەی سپا گرتووە.
هاووڵاتییان باس لەوە دەکەن ئەگەرچی پێش بەو کارە گیراوە بەڵام سپا سوورە لە سەر دەرهێنانی کانگاکە.
